|
ઓસ્ટ્રેલિયામાં વધુ એક ભારતીય વિધાર્થી પર વંશિય હુમલો, હુમલાખોરોમાં યુવતીનો સમાવેશ |
|
|
|
આંતરરાષ્ટ્રીય સમાચાર
|
|
આના લેખક છે GS NEWS
|
|
બુધવાર, 04 નવેમ્બર 2009 |
|
મેલબોર્ન (એજન્સી)
ઓસ્ટ્રેલિયામાં ભારતીયો પર થઈ રહેલા વંશિય હુમલામાં આજે વધુ એક કિસ્સો
જોડાયો હતો. ઓસ્ટ્રેલિયાનાં મેલબોર્ન શહેરમાં સ્થિત ઓસ્ટ્રેલિયન
ઈન્ડસ્ટ્રિયલ સિસ્ટમ ઈન્સ્ટિટ્યૂટનાં ઓટોમોટિવ એન્જીન્યરિંગમાં અભ્યાસ
કરતાં એક તેજસ્વી ભારતીય વિધાર્થી પર એક યુવતી સહિત કેટલાક સ્થાનીક લોકોએ
હુમલો કરી તેને અપશબ્દો ભાંડ્યા હતા.
સમાચાર માધ્યમોમાં પ્રકાશિત થયેલા અહેવાલો મુજબ, મૂળ ભારતનો અમૃત ગોયલ નામનો વિધાર્થી ઓસ્ટ્રેલિયાનાં મેલબોર્ન શહેરનાં ઓસ્ટ્રેલિયન ઈન્ડસ્ટ્રિયલ સિસ્ટમ ઈન્સ્ટિટ્યૂટનાં ઓટોમોટિવ એન્જીન્યરિંગ વિભાગમાં અભ્યાસ કરે છે. ગઈકાલે તે મેલબોર્નનાં લાવેર્ટોન વિસ્તારમાંથી પસાર થઈ રહ્યો હતો. તે સમયે બે ઓસ્ટ્રેલિયન યુવક અને એક યુવતી તેની પાસે આવી પહોંચ્યા હતા. અમૃત કંઈ સમજે તે પહેલા જ તેઓએ તેને ગાળો ભાંડી હતી અને તેની ઉપર હુમલો કરી દીધો હતો. ઓસ્ટ્રેલિયન યુવતીએ તેની ડાબી આંખ ઉપર મુક્કો મારીને તેને ઈજા પહોંચાડી હતી. આ ઘટના બાદ હેબતાઈ ગયેલો ભારતીય વિધાર્થી પોતાના ઘરે દોડી આવ્યો હતો અને આ સંદર્ભે તેણે સ્થાનીક પોલીસને જાણ કરી હતી. જોકે, ઘટનાની ગણતરીનાં સમયમાં જાણ કરાઈ હોવા છતાંય સ્થાનીક પોલીસ લગભગ એક કલાક મોડી આવી હતી.
|
