વિદેશ સચિવ નિરુપમા રાવે કહ્યું કે પાકિસ્તાનમાં ભારતીય બનાવટનાં શસ્ત્રો મળી આવ્યાના પાકિસ્તાનના દાવામાં જરાય તથ્ય નથી. પાકિસ્તાનના વિદેશ સચિવ અબ્દુલ બસિત ખાને ગઇ કાલે એવો દાવો કર્યો હતો કે સાઉથ વઝિરિસ્તાનમાં ભારતીય બનાવટનાં હથિયારો મળી આવ્યા જે પુરવાર કરે છે કે  આ વિસ્તારમાં બનતા બનાવોમાં ભારતનો હાથ છે. હાલ પાકિસ્તાની લશ્કર આ વિસ્તારમાં તાલિબાન સાથે ખૂંખાર યુદ્ધ ખેલી રહ્યું છે. નિરુપમા રાવે પાકિસ્તાનના દાવાને તદ્દન ઉપજાવી કાઢેલો અને બેબુનિયાદ ગણાવ્યો હતો.