હવાલા મારફતે રૃ.૫૬૦ કરોડ દુબઇ મોકલ્યા હતા ઃ ઇન્કમટેક્સના દરોડા ચાલુ રહેતાં મધુ કોડા હોસ્પિટલમાં દાખલ

આવકવેરા અધિકારીઓ ૩૮ વર્ષીય મધુ કોડાના મકાનોમાંથી જપ્ત કરાયેલા વિશાળ દસ્તાવેજોની ઝીણવટભરી ચકાસણી શરૃ કરી છે. કોડા સામે એવા પણ આરોપ છે કે તેમણે ઉત્તર પ્રદેશમાં સરકાર દ્વારા શરૃ કરાયેલા ગ્રામિણ વીજળી કાર્યક્રમ દ્વારા પણ રૃ.૩૦ કરોડનો નફો મેળવ્યો હતો. લખનૌમાંથી જપ્ત કરાયેલા દસ્તાવેજોને આધારે આવકવેરા વિભાગે દાવો કર્યો હતો કે મધુ કોડાએ પોતાના સાથીદાર મારફતે રૃ.૧૫૦ કરોડની સરકારી યોજનામાંથી રૃ.૩૦ કરોડનો નફો મેળવ્યો હતો, મધુ કોડાની સંપત્તિનું મૂલ્ય રૃ.૪,૦૦૦ કરોડ આંકવામાં આવે છે, જેમાં હોટેલ્સ તથા મુંબઇની ત્રણ કપની ઉપરાંત થાઇલેન્ડમાં એક હોટેલ અને લાઇબેરિયામાં એક કોલસાની ખાણનો સમાવેશ થાય છે.

આઇટી અધિકારીઓએ એમપણ જણાવ્યું હતું કે કોડાએ અગ્રણી ગ્લાસ મેન્યુફેક્ચરિંગ કંપની ઇન્ડોઆશીમાં રૃ.૨૨ કરોડનું રોકાણ કર્યું હતું. કોડાએ આ રોકાણ અંજનીપુત્ર ઇસ્પાત લીમિટેડ નામની કંપની મારફતે કર્યું હતું. મધુ કોડા સામે અત્યારે જાહેર સેવક તરીકેના કાર્યકાળ દરમિયાન રૃ.૨,૦૦૦ કરોડની ગેરકાયદે સંપત્તિ એકઠી કરવાના આરોપસર તપાસ ચાલી રહી છે. આઇટી અધિકારીઓએ દાવો કર્યો હતો કે કોડાએ હવાલા ઓપરેટરો દ્વારા રૃ.૫૬૦ કરોડ દેશની બહાર મોકલ્યા હતા. આ રકમ કોડાએ વિદેશમાં રોકાણ માટે દુબઇ મોકલી હતી. જો કે મધુ કોડા સતત પોતાની સામેના આક્ષેપો નકારતા આવ્યા છે. હાલ મધુ કોડા અને તેના સાથીદારોની માલિકીના ૬૫ સ્થળોએ આઇટી વિભાગનું સર્ચ ઓપરેશન ચાલી રહ્યું છે. આ તરફ ચારેબાજુએથી સાણસામાં આવેલા મધુ કોડા આજે હાઇબ્લડપ્રેશર અને પેટમાં દુઃખાવાની ફરિયાદ સાથે રાંચીની હોસ્પિટલમાં દાખલ થઇ ગયા હતા. આઇટી ધિકારીઓએ તેમની સામે તપાસમાં સહકાર નહિ આપવાની ફરિયાદ કરી હતી.