|
કોમોડિટીઝ્
|
|
આના લેખક છે GS NEWS
|
|
મંગળવાર, 03 નવેમ્બર 2009 |
|
મુંબઈ ઝવેરી બજારમાં આજે સોનામાં વિદેશ પાછળ મજબૂતાઈ હતી
જ્યારે વિદેશથી આયાત વધતાં ચાદીમાં નરમાઈ હતી. સોનાનો ભાવ વિદેશણાં ૧૦૫૨
ડોલરવાળો આજે ૧૦ ડોલર વધી ૧૦૬૨ ડોલર આવ્યો હતો જ્યારે ચાંદીનો આગલા ભાવ
૧૬.૫૮ ડોલરવાળો આજે ઘટીને ૧૬.૪૮ ડોલર આવ્યો હતો. મુંબઈ ખાતે સોનું બિસ્કીટ
૧૦ તોલાનો ભાવ આગલો રૃા. ૧,૮૭,૪૦૦ હતો. તે આજે ઉછળીને રૃા. ૧,૮૯,૯૦૦ થયો
છે. સોનું ૯૯.૫૦નો આગલો ભાવ રૃા. ૧૬૦૮૫ હતો તે આજે રૃા. ૧૬,૨૩૫ ખુલી વધુ
સુધરી રૃા. ૧૬૨૪૦ બંધ હતો જે રૃા. ૧૫૫નો ઉછાળો દર્શાવે છે. સોનું ૯૯.૯૦નો
ભાવ રૃા. ૧૬૧૩૫ બંધ હતો. જે રૃા. ૧૪૦નો સુધારો દર્શાવે છે. ડોલર સામે
રૃપિયો ૪૪ પૈસા તૂટી રૃા. ૪૭.૪૪ આજે બોલાયો હતો.
અનાજ-મસાલામાં તેજીનો તોફાન
માગ અને પુરવઠા વચ્ચે મોટો તફાવત રહેવાનાં અણસાર મળતા તેમ જ સરકારી નિવેદનોની અસર તળે કૃષિ વાયદાઓમાં તેજીનો પવન ફૂંકાયો છે. સોમવારનીરજા બાદ આજે બજાર ખુલતા જ અનાજ તથા મસાલાનાં વાયદા ઊંચકાયા હતા. પરિણામે આજે ગુવારગમ, સોયાબીન, ગોળ, મરી, મરચાં, જીરૃ, હળદર, ઘઉં તથા જવનાં વાયદામાં ૨થી ૩ ટકાની ઉપલી સર્કિટ લાગી હતી. એનસીડેક્સ ખાતે આજે સોનું, ચણા, ગુવારસીડ, સોયાતલે, સોયાબીન, કપાસ, મરી, મરચાં, જીરૃ, હળદર, મકાઈ જવ તથા ઘઉંના ભાવ વધ્યા હતા જયારે ચાંદી અને સરસવ વાયદા ઘટયા હતા. એનસીડેક્સ ખાતે આજે સાંજે પ્રથમ સત્રનાં કારોબારને અંતે કુલ ૯૯,૪૫૪ સોદામાં ૪૧૦૬ કરોડ રૃપિયાનાં વેપાર થયા હતા. ક્રુડતેલના વાયદામાં આજે માત્ર પ્રથમ સત્રમાં ૧૧,૧૦૦ બેરલના વાયદા વેપાર થયા હતા. સુરેન્દ્રનગર-૭૯૭ કપાસના વાયદામાં ૩૧૦૩ ગાડીના સોદા સાથે ૩૮ કરોડના વાયદા વેપાર થયા હતા. આજે દિવસ દરમિયાન ચમામાં ૦૧,૮૪,૩૯૦ ટન તથા ગુવારસીડમાં ૦૧૦૬,૭૧૦ ટનનાં વેપાર થયા હતા. સોનાનાં વાયદામાં ૭ કિલોના કામકાજ થયા હતા.
હળદર-મરીમાં તીવ્ર ઉછાળો
નેશનલ મલ્ટી કોમોડિટી એક્સ્ચેંજમાં આજે ૬૬૭૮૬ લોટના કામકાજ અને રૃા. ૧૬૨૮ કરોડનું ટર્નઓવર હતું. ચણામાં રૃા. ૨૩ થી ૩૪, કોફીમાં રૃા. ૨૯ થી ૩૬, કોપરામાં રૃા. ૧૩ થી ૨૦, ગવારસીડમાં રૃા. ૪૩, ઈશબગુલ રૃા. ૧૬ થી ૨૧, સુધારો કાળામરીમાં રૃા. ૩૩૦ થી ૪૪૯નો ઉછાળો, હળદરમાં રૃા. ૩૬૭ થી ૪૨૬નો ઉછાળો અને સેકમાં રૃા. ૫૭નો ઉછાળો નોંધાયો છે.
|
