|
સિક્સર સ્પેશિયાલિસ્ટ યુવરાજસિંગની નવી સિદ્ધી |
|
|
|
રમત જગત સમાચાર
|
|
આના લેખક છે GS NEWS
|
|
સોમવાર, 02 નવેમ્બર 2009 |
|
નવી દિલ્હી (એજન્સી)
આંતરરાષ્ટ્રિય ક્રિકેટ જગતમાં સિક્સર સ્પેશિયાલિસ્ટ તરીકે ઓળખાતા યુવરાજ
સિંહે દિલ્હીનાં ફિરોઝશા કોટલા મેદાન પર રમાયેલી મેચમાં નવી સિદ્ધી
પ્રાપ્ત કરી છે. ઓસ્ટ્રેલિયા સામેની આ મેચમાં બે સિક્સર મારીને તેણે વિશ્વ
ક્રિકેટનાં સૌથી વધુ સિક્સર ફટકારનારા ખેલાડીઓની પ્રથમ દસની યાદીમાં સ્થાન
મેળવી લીધું છે.
દિલ્હીનાં ફિરોઝશા કોટલા મેદાનમાં રમાયેલી વન-ડેમાં યુવરાજ સિંહે 96 બોલમાં આઠ ચોગ્ગા અને બે છગ્ગાની મદદથી 78 રન ફટકાર્યા હતા. આ પારીમાં તેણે બે સિક્સ મારીને વિશ્વનાં સૌથી વધુ છગ્ગા ફટકારનારા બલ્લેબાજોની યાદીનાં પ્રથમ દસમાં સ્થાન મેળવી લીધું છે. યુવરાજ સિંહે પોતાની વન-ડે કારકિર્દીમાં અત્યાર સુધી 133 છગ્ગા ફટકાર્યા છે.
સૌથી વધુ સિક્સર ફટકારનારા ક્રિકેટરોની યાદીમાં યુવરાજસિંહની આગળ પાકિસ્તાનનો બેટ્સમેન ઈન્ઝમામ ઉલ હક છે. તેણે પોતાની કારકિર્દી દરમિયાન કુલ 144 છગ્ગા ફટકાર્યા છે. તેની ઉપર રિકી પોન્ટિંગ (146), એડમ ગિલક્રિસ્ટ (149), વેસ્ટ ઈન્ડિઝનો ક્રિસ ગેઈલ (151), ન્યૂઝીલેન્ડનો ક્રિસ કેઈન્સ (153), સચિન તેંદુલકર (177), સૌરવ ગાંગૂલી (190), પાકિસ્તાનનો સઈદ આફ્રિદી (250) અને શ્રીલંકાનો સનથ જયસુર્યા (270) છે.
|