(પી.ટી.આઇ.)

લાહોર તા.૨ શીખ ગુરુ નાનક સાહેબની જન્મ જયંતીની ઉજવણી નિમિત્તે ભારતથી આવેલા ૧૫૦૦ જેટલા શીખ યાત્રાળુઓની સલામતી માટે પાકિસ્તાનની સરકારે ખાસ પગલાં લીધાં હતાં.

આજથી ગુરુ નાનકના જન્મસ્થળ નાનકાના સાહિબમાં શરૃ થનારી ઉજવણીને ધ્યાનમાં રાખીને ફૂલ પ્રૂફ બંદોબસ્ત કર્યો હોવાનું જિલ્લાના પોલીસ વડા મશરુર અહમદ કાલાચીએ કહ્યું હતું. ત્રણ દિવસની ઉજવણી પ્રસંગે કોઇ પણ અનિચ્છનીય બનાવ બને તો પહોંચી વળવા અન્ય  જિલ્લામાંથી વધુ કુમક મંગાવવામાં આવી હતી. નાનકાના સાહિબ તરફ જતા તમામ માર્ગો પર ખાસ પોલીસ પિકેટ ઊભી કરવામાં આવી હતી. દરેક ગુરુદ્વારાના પ્રવેશ દ્વાર પર મેટલ ડિટેક્ટર અને બીજી વ્યવસ્થા કરવામાં આવી હતી.