(પી.ટી.આઇ.)
લાહોર તા.૩૦ અલ કાયદાના નેતાઓ પાકિસ્તાનમાં છે અને પાકિસ્તાનની સરકારને એ વિશે કશી ખબર નથી એ વાત અમારા ગળે ઊતરતી નથી એમ પાકિસ્તાનની ત્રણ દિવસની મુલાકાતે આવેલા અમેરિકી વિદેશ પ્રધાન હિલેરી ક્લીન્ટને કહ્યું હતું.

'તમારી સરકારમાં કોઇને એ વિશે જાણ નથી એ વાત હું માની શકતી નથી અને સરકાર ધારે છતાં તેમને પકડી શકતી નથી એ વાત પણ હું માનતી નથી' એમ હિલેરીએ કહ્યું હોવાનું ધ ડેલી ટાઇમ્સે જણાવ્યું હતું.

'શક્ય છે, કદાચ તેમને પકડી શકાતા નથી. શક્ય છે, તમે સાચું કહેતા હશો પરંતુ કમ સે કમ મને લાગે છે કે અલ કાયદાના નેતાઓ પાકિસ્તાનમાં છે' એમ તેમણે મિડિયાને કહ્યું હતું.

હિલેરીએ કહ્યું કે પાકિસ્તાન સમક્ષ ઘણા પ્રશ્નો છે અને આટલી મોટી વસતિને નિભાવવાની સમસ્યાએ પરિસ્થિતિને વણસાવી છે.