|
સજાતીય સંબંધોને માન્યતા આપનાર ભારત ૧૨૭મો દેશ |
|
|
|
રાષ્ટ્રીય સમાચાર
|
|
આના લેખક છે GS NEWS
|
|
ગુરુવાર, 02 જુલાઇ 2009 |
|
(પીટીઆઇ) નવી દિલ્હી,
દિલ્હી હાઇકોર્ટે આજે દૂરગામી અસર જન્માવનારો ચુકાદો આપીને સજાતીય
સંબંધોને કાનૂની ઠેરવતા વિશ્વમાં આ પ્રકારના સંબંધોને માન્યતા આપનાર ભારત
૧૨૭મો દેશ બન્યો છે. વિશ્વના ૮૦ દેશોમાં હજુ પણ સજાતીય સંબંધો ગુનો છે.
વિશ્વના ૮૦ દેશોમાં હજુ પણ સમલૈગિંક સંબંધ ગુનો ઃ વર્ષ ૧૯૮૯માં ડેન્માર્કે પ્રથમ વખત કાનૂની માન્યતા આપી
સજાતીય સંબંધોને કાનૂની માન્યતા આપવાની શરુઆત ૧૯૮૯માં થઇ હતી, આ વરસે ડેન્માર્કે સૌથી પહેલા સજાતીય લગ્નોને મંજૂરી આપી હતી. એ પછી યુરોપના અન્ય દેશોએ પણ ડેન્માર્કનું અનુકરણ કર્યું હતુ. સાત વર્ષ પછી નોર્વે, સ્વીડન અને આઇસલેન્ડે પણ સજાતીય સંબંધોને માન્યતા આપી છે.
વર્ષ ૨૦૦૧માં નેધરલેન્ડ સજાતીય દંપતિઓને સંપુર્ણ નાગરિક અધિકાર આપનાર પ્રથમ દેશ બન્યો હતો. એ પછી બેલ્જિયમે વર્ષ ૨૦૦૩માં સજાતીય લગ્નોને માન્યતા આપી હતી. સ્પેને પણ જૂન ૨૦૦૫માં સજાતીય લગ્નોને અન્ય સામાન્ય લગ્ન જેવો જ દરજ્જો આપ્યો હતો. આ જ વરસે જુલાઇ ૨૦૦૫માં કેનેડાએ સમલૈગિંક લગ્નોને કાનૂની ઠેરવ્યા હતા. ન્યુઝીલેન્ડે આ અગાઉ ૨૦૦૪માં જ આ પ્રકારના લગ્નોને મંજૂરી આપી દીધી હતી.
સાઉથ આફ્રિકાએ ૨૦૦૫માં ગે લગ્નોને માન્યતા આપી હતી. આર્જેન્ટિનામાં વર્ષ ૨૦૦૩માં સજાતીય સંબંધોમાં માનનારાઓના યુનિયનની બેઠક યોજાઇ હતી. એ પછી આર્જેન્ટીના સજાતીય લગ્નોને માન્યતા આપનાર પ્રથમ લેટિન અમેરિકન દેશ બન્યો હતો.
|
