દશ વર્ષ પહેલાંની વસતી ગણત્રીનું રેકર્ડ મેળવવું મુશ્કેલ
રાજકોટ, સમગ્ર રાજયમાં વિસ્તારની દ્રષ્ટિએ સૌથી મોટો ગણાતા કચ્છ જિલ્લામાં વસત ગણત્રી માટેના આયોજનોની તડામાર તૈયારી ચાલી રહી છે. ૨૦૦૧ની વસતી ગણત્રી મુજબ જિલ્લાની કુલ ૧૫,૮૩,૨૨૫ની વસતી રહી છે. ૨૦૧૦ની વસતી ગણત્રી માટે તા. ૧૮ના રોજ રાજયના વસતી ગણત્રી નિયામક કચેરીના અધિકારીઓનાં વડપણ હેઠળ સૌ પ્રથમ વખત કર્મચારીઓ માટેની તાલીમલક્ષી બેઠક યોજાશે.
રાજકોટ, જગવિખ્યાત કેસર કેરીની આવક ભલે આ વર્ષે ઉનાળાના આરંભ પુર્વે થઈ ગઈ હોય પરંતુ તેમ છતાં એ એક હકીકત છે કે ઉનાળાની બળબળતી બપોરે આ વર્ષે પણ કેસર કેરીનો સ્વાદ લોકોને વ્યાજબી ભાવે ચાખવા મળશે. કારણ કે સૌરાષ્ટ્ર- ઉપરાંત દક્ષિણ ગુજરાતમાં કેસર કેરીનો પાક આ વર્ષે પણ મબલખ થવાની સંભાવના છે.
રાજકોટ, મોરબીની મિશનરીઝ ઓફ ચેરીટી મધર ટેરેસા સંસ્થાના માસુમ ભુલકાઓને વિચિત્ર પ્રકારની તાવની બિમારી લાગુ પડતાં ગઇકાલે રાજકોટ ખાતે સ્વાઇન ફલુ વોર્ડમાં દાખલ કરવામાં આવ્યા પછી તમામ ૧૮ બાળકોનો સ્વાઇન ફલુનો નેગેટીવ રીપોર્ટ આવ્યો હતો અલબત્ત આ પૈકીના ત્રણ બાળકોની સ્થિતિ ગંભીર હોવાથી તેમને ઓકસીજન ઉપર રાખવામાં આવ્યા છે.
