(પ્રતિનિધિ દ્વારા) સુરત,
ગુજરાતના ઉમરગામથી માંડી અંબાજી સુધીના પટ્ટામાંના તમામ આદિવાસી ખેડૂતોને
વીજ જોડાણો ૨૦૧૦ સુધીમાં આપી દેવાશે, એવી જાહેરાત મુખ્યમંત્રી નરેન્દ્ર
મોદીએ આજે કરી હતી. સુરતના કામરેજ નજીકના ટોરન્ટ પાવરના ૧૧૫૦ મેગાવોટ સુજન
મેગા પાવર પ્રોજેકટ રાષ્ટ્રને સમર્પિત કરતાં તેમણે જણાવ્યું હતું.
(પ્રતિનિધિ દ્વારા) સુરત,
સુરતમાં પાંડેસરાની ૨૯ વર્ષિય અને વરાછાની ૪૯ વર્ષની મહિલાનું આજે સ્વાઇન
ફ્લૂમાં મોત નીપજ્યું હતું. નવરાત્રીના આરંભ સાથે જ વધુ બે મોત અને નવા ૬
દર્દીને સ્વાઇન ફ્લૂની સારવાર માટે દાખલ કરવામાં આવતાં ખેલૈયાઓ અને ગરબા
પ્રેમીઓમાં ગભરાટ ફેલાયો છે. જ્યારે આજે હોસ્પિટલમાં સારવાર લઇ રહેલી વધુ
એક બાળકીનો સ્વાઇન ફ્લૂ રિપોર્ટ પોઝીટીવ આવ્યો છે.
વલસાડ,વાપી,
ગઇકાલે રાત્રે ઉમરગામ તાલુકામાં મુશળધાર વરસાદ વરસતા ૨૦ કલાકમાં ૧૦ ઇંચ
વરસાદ ખાબકી ગયો હતો. સાથોસાથ વલસાડમાં ૩ ઇંચ, ધરમપુરમાં ૨.૫ ઇંચ,
પારડીમાં ૨ ઇંચ અને કપરાડામાં ૧ ઇંચ વરસાદ વરસતા વલસાડ જિલ્લામાં
નદી-નાળા ઉભરાયા છે. ઉમરગામના વંકાસ ગામે ખાડીના કોઝવે પરથી વહેતા પાણીમાં
એક વૃધ્ધ મહિલા તણાઇ ગઇ હતી. તો નારગોલ નજીકના દરિયાકિનારે લંગારેલી એક
માછીમારની બોટ દરિયામાં તાણાઇ ગઇ હતી. મુંબઈ, કોંકણ અને ગોવામાં આગામી ૪૮
કલાક દરમ્યાન (શનિ-રવિ) ભારે વરસાદની આગાહી કરવામાં આવી છે. તેમ જ મુંબઈને
પાણી પૂરું પાડતાં જળાશયોમાં પણ નોંધપાત્ર વરસાદ વરસ્યો છે.
(પ્રતિનિધિ દ્વારા) સુરત,
લાંબા સમયના વિરામ બાદ મંગળવારની રાત્રીના બીજા રાઉન્ડમાં વિજળીના કડાકા-
ભડાકા સાથે દેમાર વરસાદ તુટી પડતા ૬ કલાકમાં સુરત જિલ્લામાં સરેરાશ ૧
ઇંચથી લઇને ૪ ઇંચ સુધીનો વરસાદ ખાબકતા ખેડૂતોમાં ખુશીની લહેર દોડી ગઇ હતી.
૬ કલાકમાં સૌથી વધુ ઉમરપાડા તાલુકામાં ૪ ઇંચ, માંગરોળમાં ૩.૫ ઇંચ, સુરત
શહેરમાં ૧ ઇંચ વરસાદી પાણી પડયું હોવાના અહેવાલ મળ્યા છે. સુરતમાં બે
વૃક્ષો ધરાશયી થયા હતા જયારે ૬ કલાકમાં સુરત જિલ્લાનો કુલ વરસાદ ૧૮.૭૬ ઇંચ
નોંધાયો છે.
(પ્રતિનિધિ દ્વારા) સુરત,
અત્યંત ચેપી રોગ સ્વાઈન ફ્લૂ હવે સુરત શહેરમાં પણ વકરી રહ્યો છે. આજ રોજ
વધુ બે દર્દીનાં સ્વાઈન ફ્લૂના રિપોર્ટ પોઝીટીવ આવતા સુરતમાં સ્વાઈન
ફ્લૂના પોઝીટીવ દર્દીની સંખ્યા વધીને ૧૨ પર પહોંચી છે. જ્યારે આજરોજ
શંકાસ્પદ સ્વાઈન ફ્લૂનાં નવા બે દર્દીઓ નોંધાયા છે. બીજી તરફે ૧૯
દર્દીઓનાં રિપોર્ટ નેગેટીવ આવ્યા હોવાનું જાણવા મળે છે.
(પ્રતિનિધિ દ્વારા) સુરત,
નવસારીના છાપરા રોડ પર આવેલી એક જાણીતી સોસાયટીમાં ચાલતા સ્કુલની
વિદ્યાર્થીઓના સેકસ રેકેટનો પર્દાફાશ થતા નગરમાં ચકચાર મચી જવા પામી છે.
સોસાયટીમાં ધોળે દિવસે ચાલતા સેકસ રેકેટની ગંધ સોસાયટીના રહીશોને આવતા
તેમણે પાંચેક દિવસ પહેલા સમગ્ર રેકેટનો પર્દાફાશ કર્યો હતો. આ સોસાયટીમાં
રહેતા દંપતિની ગેરહાજરીમાં તેમના બંગલામાં પહેલા બે યુવતિઓ અને બાદમાં
ત્રણ યુવાનો પ્રવેશતા જ સોસાયટીના રહીશોએ બંગલાને બહારથી તાળું મારી દઇ
નવસારી રૃરલ પોલીસને જાણ કરી દીધી હતી.
(પ્રતિનિધિ દ્વારા) સુરત,
સદીની સૌથી વિરલ ઘટના ખગ્રાસ સૂર્યગ્રહણના આજે સવારે આરંભ સાથે સુરતમાં
સૂર્યોદય બાદ તુરંત ઘોર અંધકાર છવાઇ ગયો હતો. સવારે ૬ઃ૦૯ કલાકે સૂર્યોદય
થયા બાદ ૬ઃ૨૧ઃ૧૫ કલાકે એકાએક આકાશમાંથી અંધકારના ઓળા ઉતરી આવ્યા હતાં અને
૩ મીનીટને ૧૫ સેકન્ડ સુધી સમગ્ર શહેરમાં ઘોર અંધકાર છવાઇ જતાં આ અદ્ભૂત
દ્રશ્ય નિહાળી લોકો ઝૂમી ઉઠયા હતાં. અંધકારના ઓળા વચ્ચે આકાશમાંથી પીળા
કલરનો એક તેજ લીસોટો પસાર થઇ ગયો હતો. અને ત્યારબાદ ક્રમશઃ ફરી અજવાળુ
પથરાઇ ગયું હતું.
