‘રાવણ’નું શૂટિંગ પૂરું થઇ ગયું છે. ‘પા’ ચોથી ડિસેમ્બરે રિલિઝ થવાની છે. આશુતોષ ગોવારિકરની ફિલ્મ ‘ખેલેં હમ જી જાન સે’માં અભિષેક બચ્ચન સૂર્યા સેનનું પાત્ર ભજવવાની તૈયારી કરી રહ્યો છે. આ ઉપરાંત કરણ જોહરના પ્રોડક્શન હાઉસની ‘દોસ્તાના બે’ ફરહાન અખ્તરની કંપનીની ‘ક્રૂકેડ’ રોહન સિપ્પીની નવી ફિલ્મ પણ તેની પાસે છે આમ અભિષેક તેના બાળપણના મિત્રોની ફિલ્મો કરીને ખુશ છે.
આ અભિનેત્રી પોતાની શરતો પર જીવન જીવે છે. દુનિયાદારી પ્રત્યે તે બે-પરવા છે. તેના સંબંધો વિશે જાહેરમાં ચર્ચા કરવાનું તેને પસંદ નથી. આ અભિનેત્રી છે તબસ્સુમ હાશ્મી ઉર્ફે આપણી તબુ, જેણે પોતાની કારકિર્દી દરમિયાન બે રાષ્ટ્રીય એવોર્ડ, સાત ફિલ્મફેર એવોર્ડ મેળવ્યા છે અને આ ગ્લેમર ઇન્ડસ્ટ્રીનો તેની પાસે લગભગ ૨૦ વરસનો અનુભવ છે.
‘મેરે અપને’ પછી વિનોદ ખન્નાને ટીવી ગોઠી ગયું હોય એમ લાગે છે. હવે તેઓ સંજય વાઘવાની સ્ફિઅર ઓરિજિન્સ પ્રસ્તુત એક ટેલી ફિલ્મમાં સીમા વિશ્વ્વાસ સાથે જોવા મળશે. ૨૬મી નવેમ્બરના બોમ્બ ધડાકા પર આધારિત આ ટેલી ફિલ્મનું આ મહિનાના અંતમાં ટેલીકાસ્ટ કરવાની યોજના છે.
આજે જ્યારે ભારતીય ફિલ્મોનું સ્થાન આંતરરાષ્ટ્રીય સ્તરે ઘણું ઉંચુ અને વિશ્રૃત બનતું જાય છે, ત્યારે ભારતીય ફિલ્મોને આપવામાં આવતા નેશનલ એવોર્ડ્સની જાહેરાત, આપણી સરકારની ઘોર ઉદાસીનતાની પોલ ખોલી નાંખે છે.
મન્ના ડે ને ‘‘દાદા સાહેબ ફાળકે’’ એવોર્ડ ઘણો જ મોડો મળ્યો હોય તેવું નથી લાગતું?!
થોડાક સમય પહેલાં બોલીવુડના લીજેન્ડરી ગાયક - મન્ના ડે ને ભારતીય ફિલ્મ ઉદ્યોગના સર્વોત્તમ સન્માન મનાતા ‘દાદા સાહેબ ફાળકે’ એવોર્ડ આપીને સન્માનવામાં આવ્યા છે.
