નવી દિલ્હી, બુધવાર
પશ્ચિમ બંગાળના જલપાઈગુડી ખાતે ૧૦ હેક્ટરમાં આઈટી/આઈટીઈએસ એસઈઝેડ સ્થાપવાના વિડિયોકોન રિયલ્ટી એન્ડ ઈન્ફ્રાસ્ટ્રક્ચર લિ.ને તેના પ્રસ્તાવને પાછો ખેંચી લેવાની મંજૂરી એસઈઝેડ માટેના ઈન્ટર મિનિસ્ટ્રિયલ બોર્ડ ઓફ એપ્રુવલે આપી છે. આવી જ રીતે, તામિલનાડુના કોઈમ્બતુર ખાતે ૧૧ હેક્ટરમાં આઈટી/આઈટીઈએસ એસઈઝેડના લાર્સન એન્ડ ટુબ્રો લિ.ના પ્રસ્તાવના ડિનોટિફિકેશનને પણ તેણે લીલી ઝંડી આપી છે.
બીજા ઘણા એસઈઝેડ ડેવલોપર્સે તેમના પ્રોજેક્ટ પર અમલ કરવા માટે સરકાર પાસે વધારાનો સમય માગ્યો છે. એસઈઝેડમાં રોકાણકારોમાં વિશ્વાસનો અભાવ હોવાનું કારણ મોટાભાગનાએ દર્શાવ્યુ છે.
લાર્સને જોકે કહ્યુ હતું કે બદલાયેલી આર્થિક પરિસ્થિતિમાં આર્થિક બિનપ્રાપ્યતાને કારણે તેમણે પ્રોજેક્ટ પડતો મૂક્યો છે.
વિડિયોકોને તે પ્રદેશમાં વેપારના તાજેતરના ભવિષ્યને કારણે તે પ્રોજેકટ પર અમલ કરી શકે તેમ નથી તેમ કહ્યુ હતું.
બીજાતરફ મધ્ય પ્રદેશમાં આઈટી એસઈઝેડ સ્થાપવાના ટીસીએસના પ્રોજેક્ટને બોર્ડે મંજૂરી આપી હતી.
