આજ નું પંચાગ

તા. ૨૪-૧-૨૦૧૨ મંગળવાર
માહ સુદ એકમ - માહ શિવરાત્રિનો પ્રારંભ
ઘણો ભય - ઉત્પાત - અશાંતી ?
દિવસના ચોઘડિયા ઃ રોગ, ઉદ્વેગ, ચલ,લાભ, અમૃત, કાળ, શુભ, રોગ.
રાત્રિના ચોઘડિયા ઃ કાળ, લાભ, ઉદ્વેગ, શુભ, અમૃત, ચલ, રોગ, કાળ.
અમદાવાદ સૂર્યોદય ઃ ૭ ક. ૨૩ મિ., સૂર્યાસ્ત ઃ ૧૮ ક. ૨૦ મિ.
સૂરત સૂર્યોદય ઃ ૭ ક. ૧૯ મિ., સૂર્યાસ્ત ઃ ૧૮ ક. ૨૨ મિ.
મુંબઈ સૂર્યોદય ઃ ૭ ક. ૧૬ મિ. સૂર્યાસ્ત ઃ ૧૮ ક. ૨૪ મિ.
નવકારસી સમય ઃ (અ) ૮ ક. ૧૧ મિ., (સૂ) ૮ ક. ૦૭ મિ., (મું) ૮ ક. ૦૪ મિ.
જન્મરાશિ ઃ આજે રાત્રે ૩ ક. ૪૦ મિ. સુધીમાં જન્મેલ બાળકની મકર (ખ. જ.) રાશિ આવશે. ત્યારપછી જન્મેલ બાળકની કુંભ (ગ. શ. સ. ષ.) રાશિ આવે.
નક્ષત્ર ઃ શ્રવણ બપોરના ૩ ક. ૨૯ મિ. સુધી પછી ધનિષ્ઠા.
ગોચર ગ્રહ ઃ સૂર્ય - મકર, મંગળ - સિંહ, બુધ - મકરમાં ૬ ક. ૫૧ મિ.થી, ગુરૃ - મેષ, શુક્ર - કુંભ, શનિ - તુલા, રાહુ - વૃશ્વિક, કેતુ - વૃષભ, હર્ષલ (યુરેનસ) - મીન, નેપચ્યુન - કુંભ, પ્લુટો - ધન, ચંદ્ર - રાત્રે ૩ ક. ૪૦ મિ. સુધી મકર પછી કુંભ.
વિક્રમ સંવત ઃ ૨૦૬૮ શોભન સં. શાકે ઃ ૧૯૩૩, ખર સં. જૈનવીર સંવત ઃ ૨૫૩૮, ઉત્તરાયણ, શિશિર ઋતુ, માહ સુદ એકમ ને મંગળવાર, રાદિ. માઘ-૪.
આજથી માહ મહિનો શરૃ. આજથી માહ નવરાત્રિનો પ્રારંભ. પંચક રાત્રે ૩ ક. ૪૦ મિ.થી શરૃ. વ્યતિપાત બપોરના ૩ ક. ૫૨ મિ.થી શરૃ. સૂર્ય શ્રવણમાં રાત્રે ૮ ક. ૪૩ મિ.થી. બુધ મકરમાં ૬ ક. ૫૧ મિ.થી. આજે ચંદ્રદર્શન. ઈષ્ટીયાગ. મંગળવારથી માસારંભ અને મંગળવારી અમાસ છે તેથી માહ મહિનો રાજકીય રીતે, કુદરતી આપત્તિઓના કારણે દેશ ને દુનિયામાં ચિંતા-ઉત્પાત-અશાંતિ- અસ્થિરતામાં પસાર થાય. છત્રભંગ થાય. બજારોમાં અસ્થિરતા રહે. ઘણો ભય જણાય ? હવામાનમાં ફેરફારી જણાય. મ્લેચ્છોમાં ભય પરસ્પર યુદ્ધ. શેરોમાં વધઘટ ! પૃથ્વી લોહી તરસી રહે ? પ્રજાને પીડા.
મુસલમાની હિજરીસન ૧૪૩૩ સફર માસનો ૨૯ રોજ.
પારસી શહેનશાહી વર્ષ ૧૩૮૧શેહરેવર માસનો ૯ રોજ આદર. હમકારો.

આજ નું ભવિષ્ય

તા. ૨૪-૧-૨૦૧૨ મંગળવાર
મેષ ઃ આજથી માહ મહિનો, માહ નવરાત્રિ શરૃ થતાં આપના હૃદય- મનની પ્રસન્નતામાં વધારો થાય. નોકરી-ધંધામાં પ્રગતિ જણાય.
વૃષભ ઃ આપના નોકરી-ધંધામાં માહ મહિનાનો પ્રારંભ સાનુકૂળતાવાળો રહે. નવા કામમાં, આયોજનમાં વિચારી શકો. ધર્મકાર્ય થઈ શકે.
મિથુન ઃ આજનો દિવસ આપે નોકરી-ધંધાના, ઘર, પરિવારના, સંતાનના, કુટુંબના પ્રશ્ને ચિંતા-વ્યથામાં- વ્યગ્રતામાં પસાર થાય.
કર્ક ઃ માહ મહિનાના પ્રારંભથી નોકરી-ધંધાના કામમાં આપની વ્યસ્તતા રહે. કાગળ, કાપડ, સોના-ચાંદી, તેલ, અનાજના ધંધામાં, ધંધો થાય.
સિંહ ઃ આજથી માહ નવરાત્રિનો પ્રારંભ થઈ રહ્યો છે. તેથી મકાન-જમીન-વાહનના-ટ્રાવેલ્સના ખાણીપીણીના ધંધામાં, નોકરીમાં પ્રગતિ થાય.
કન્યા ઃ આજથી માહ મહિનો અને માહ નવરાત્રિ શરૃ થાય છે તેથી તમારા હૃદય-મનની પ્રસન્નતા, કામની સફળથા, પ્રગતિ જણાય.
તુલા ઃ માહ મહિનાની, માહ નવરાત્રિની આજથી શરૃઆત થાય છે. પરંતુ આજે નોકરી-ધંધાનું કામ શાંતિથી, ધીરજથી કરવું.
વૃશ્વિક ઃ આજથી માહ મહિનો અને માહ નવરાત્રિ શરૃ થવાથી નોકરી-ધંધાની મુલાકાત, ધર્મકાર્ય, મકાન-જમીન-વાહનના કામમાં પ્રગતિ જણાય.
ધન ઃ આજે નોકરી-ધંધાના કામમાં સાનુકૂળતા રહે. ધંધામાં ધંધો વધે, આવક થાય. વ્યવહારિક, સામાજિક કામમાં પ્રગતિ જણાય.
મકર ઃ આજથી માહ મહિનો અને માહ નવરાત્રિ શરૃ થવાથી તમારા હૃદય-મનની પ્રસન્નતા, કામની સફળતા, પ્રગતિ આનંદ રખાવે.
કુંભ ઃ આજે આપે વ્યવહારિક, સામાજીક, કૌટુંબીક કામમાં તેમજ નોકરી-ધંધાના કામમાં ઉતાવળ કર્યા વગર ધીરજ, શાંતિ રાખવી.
મીન ઃ આજથી માહ મહિનો અને માહ નવરાત્રિનો પ્રારંભ થઈ રહ્યો છે તેથી નોકરી-ધંધાના, ઘર, પરિવારના, સંતાનના કામની વ્યસ્તતા રહે.

જન્મ તારીખ વર્ષ સંકેત
તા. ૨૪ જાન્યુઆરી ૨૦૧૨, મંગળવાર
આજની તારીખે શરૃ થઈ રહેલ આપનું જન્મવર્ષ જેમ જેમ પસાર થાય તેમ તેમ તમારી હતાશા, નિરાશા દૂર થાય. તમારા આત્મવિશ્વાસમાં વધારો થતો જાય તેમજ તમારા કાર્યક્ષેત્રમાં તમે સફળતાપૂર્વક આગળ વધી શકો.
- આ વર્ષ ખર્ચ-ચિંતાનું રહેવા છતાં વર્ષના ઉત્તરાર્ધમાં તમારી આવક વધે, ફસાયેલા નાણાં છુટા થાય, સારી તક પ્રાપ્ત થાય જેથી તમને તકલીફ, ચિંતામાં રાહત રહે.
- નોકરી-ધંધામાં વર્ષારંભે જોખમ કરવું નહીં. વિવાદથી દૂર રહેવું. ઈન્કમટેક્ષ, સેલટેક્ષ કે સરકારી, કાનૂની કાર્યવાહીમાં જાગૃતિ, સાવધાની રાખવી. વર્ષના ઉત્તરાર્ધમાં રાહત થતી જાય.
- પુત્રપૌત્રાદિક માટે વર્ષ સાનુકૂળ રહે પરંતુ સગાસંબંધી, મિત્રવર્ગના સંબંધમાં મનદુઃખ થાય, કોઈનો વિયોગ થાય. પરદેશમાં રહેતા સંતાનને મળવાનું થાય, પ્રવાસ થાય.
- સ્ત્રી વર્ગને આરોગ્યની કાળજી રાખવી પડે. પતિ સાથેના મતભેદ-વિવાદમાં શાંતિથી સમય પસાર કરી લેવો.
- વિદ્યાર્થીવર્ગને મિત્રવર્ગના કારણે ભણવામાં એકાગ્રતા જળવાય નહીં. પરંતુ જેમ જેમ વર્ષ પસાર થાય તેમ તેમ પ્રગતિ જણાય.

સુપ્રભાતમ્

- બોલાવવો પડે તે પહેલાં આવી પહોંચે, હંમેશાં દરવાજે હાજર રહે અને કંઈ પૂછવામાં આવે ત્યારે સાચી વાત ટૂંકાણમાં કહે તેવો માણસ રાજાના સેવક તરીકે યોગ્ય છે.
- અનુ. કુલીનચંદ્ર યાજ્ઞિક

રાજા લોકોનું કલ્યાણ કરતો હોય તો પણ સેવકો વગર શોભતો નથી. જેમ સૂર્ય જાતે તેજસ્વી હોવા છતાં કિરણો વગર શોભતો નથી.

- અનુ. કુલીનચંદ્ર યાજ્ઞિક

- રાજા માર મારે, કઠોર વાત કહે, દંડ પણ દે, તો પણ જે સેવક રાજાનું બુરૂં ઈચ્છતો નથી તે જ રાજાઓ માટે સાચો સેવક છે.
- અનુ. કુલીનચંદ્ર યાજ્ઞિક

આજ નું ઔષધ

આજ ની જોક

લલ્લુની પરીક્ષા ચાલી રહી હતી અને એના પિતા છગન એને પાસ થવા માટે સખત વાંચવા ઉપર ભાર આપતા હતા. એક દિવસ એણે પોતાની પ્રેમિકા લીલીને ફોન ઉપર કહ્યું, ‘‘ડાર્લંિગ, હું આ વર્ષે ફેલ થવા માંગું છું.’’
‘‘કેમ?’’ લીલી બોલી, ‘‘શા માટે?’’
‘‘જો ને,’’ લલ્લુએ કહ્યું, ‘‘જો હું ફર્સ્ટ ક્લાસ આવીશ તો પપ્પા મને વિજ્ઞાન પ્રવાહમાં મોકલીને ડોકટર બનાવશે અને ડોકટર બનતા પાંચ છ વર્ષ લાગશે અને સેકન્ડ ક્લાસ આવીશ તો પપ્પા મને કોમર્સ પ્રવાહમાં મોકલીને સાત આઠ વર્ષે હું સીએ થાવ એની રાહ જોશે... એ કરતાં જો હું નાપાસ થાઉં તો મને તરત જ તારી સાથે પરણાવી દેશે.’’

આજ ની રેસીપી