| ખેરગામમાં ચકચાર મચાવનાર 'એડલ્ટ બંદા' ક્લીપ સાજીદ ઉર્ફે સાજલો શેખના મોબાઇલમાંથી મળતાં પોલીસની કાર્યવાહી
ખેરગામ, શનિવાર
ચીખલી તાલુકાના ખેરગામમાં ફરતી થયેલી મારવાડી યુવાનની ચકચારી વીડીયો કલીપમાં પોલીસે ખેરગામનાં મુસ્લિમ શખ્સની ધરપકડ કરી છે. મારવાડી યુવાનની વિડીયો કલીપ પોલીસને તેના મોબાઇલમાંથી મળી આવી હતી.
ચીખલી તાલુકાનાં ખેરગામમાં કટલરીની દુકાનમાં નોકરી કરતાં મારવાડી સેલ્સમેન દલપતસિંહ રામસિંહ રાજપુરોહિત (રહે. પાલી, રાજસ્થાન, હાલ- ખેરગામ)ની વિડીયો કલીપ ફરતી થઇ જતાં ચીખલી પોલીસે ગુનો નોંધી દલપતસિંહની ધરપકડ કરી હતી.
ખેરગામ નજીકનાં એક ગામની તરૃણી સાથેની સેકસલીલાવાળી ''એડલ્ટ બંદા'' નામની આ વિડીયો કલીપ પોલીસને ખેરગામનાં મુસ્લિમ મહોલ્લામાં રહેતા સાજીદ ઉર્ફે સાજલો ઇકબાલભાઇ શેખનાં મોબાઇલમાંથી મળી આવતાં ચીખલી પોલીસે ગઇકાલે તેની ધરપકડ કરી હતી. ચીખલી પીએસઆઇ આર.વી. ઠાકોરનાં જણાવ્યા મુજબ આ વિડીયો કલીપમાં વધુ એક નામ ખુલ્યું છે. સાજીદે વિડીયો કલીપ આપનારાનું નામ જણાવતા ખેરગામનાં વધુ યુવાનોની સંડોવણી બહાર આવવાની શકયતા છે. |
