પુસ્તકોની દુનિયામાં અનેક પ્રકારના ટ્રેન્ડ બદલાયા છતાં ટાગોર અને શેક્સપિઅરને વાંચીને માણનારો વર્ગ આજે પણ એટલા જ પ્રમાણમાં ક્લાસિક બુક્સ ખરી દે છે.
બુક્ લવર્સમાં હવે હોરોર અને ક્રાઈમની બુક્સનું અચાનક રિડક્શન થવા જઈ રહ્યું છે તો બીજી તરફ સેલ્ફ ઈમ્પ્રુવમેન્ટ અને મોટિવેશનલ બુક્સમાં તડાકો બોલી રહ્યો છે.એક જમાનો હતો કે જ્યારે કોલેજીયનો કાંકરિયાની પાળે બેસીને સરસ્વતિચંદ્રના હવે પછીના ચેપ્ટરમાં શું આવશે તે ચર્ચા કરતા. ઘીમે ઘીમે અમદાવાદના યુથમાં શોર્ટ સ્ટોરીઝનો જમાનો આવ્યો.તે પછી ઈતિહાસનો એક દશકો ગયો. પોલિટિકલ લીડર્સ અને નામી અઘિકારીઓ દ્વારા દેશની જાણીતી ઘટના આઘરિત પુસ્તકો વાંચવાનો એક સમય આવ્યો.
આજે બુક્સની કેટેગરી બદલાઈ છે.
અત્યારે ફિકશન,ક્લાસીક,મેનેજમેન્ટ, ચાઈલ્ડ કેર, ઈન્સ્પિરેશનલ, સેલ્ફ ડેવલોપમેન્ટ એવી ઘણી બધી કેટેગરીઝની બુક્સ હોય છે પણ આપણા અમદાવાદમાં સૌથી વધારે વંચાય છે સેલ્ફ ડેવેલોપમેન્ટ અને ઈન્સ્પીરશન બુક્સ તેનું કારણ જણાવતા યુવક દર્પણ સોની કહે છે કે, આ એજમાં પોઝિટીવ થિકીંગ અને ઈન્સ્પીરેશનની ખૂબ જરૂર છે. આમ તો ફેમીલી અને ફ્રેન્ડઝ પાસેથી આ બંને વસ્તુ મળી રહે છે તો પણ લોકોમાં પણ એક બ્લાઈન્ડ ક્રેઝ જોવા મળે છે.
આ સિવાય ફિકશન, મેનેજમેન્ટ, ક્લાસીક અને કોમ્પ્યુટર્સને લગતી બુકસનો યુવાનોમાં ઘણો ક્રેઝ યથાવત છે. ફિકસનમાં ઓહ, શીટનોટ અગેઈન, ટુસ્ટેટસ, એકલીપ્સ જેવી બુક્સ અને ક્લાસીક્સમાં શેક્સ પિરીયન કોમેડી આજે પણ વંચાય છે.
આ અંગે બુક સેલર હિંમાશુ શાહ કહે છે કે આખી દુનિયામાં સૌથી વઘુ ચાઈલ્ડ બુક્સ વંચાય છે. પણ યુવાનોમાં ખાસ કરીને આજકાલ અંગ્રેજી લેખકોના ગુજરાતી ટ્રાન્સલેશન કરેલી બુક વાંચવી ખૂબ ગમે છે. કેમ કે, ગુજરાતી પોતાની ભાષા છે અને એ ભાષામાં વઘુ સમજી શકે છે. એટલે જ ગુજરાતીમાં ટ્રાન્સલેટ કરેલી બુકસ વઘુ વાંચે છે. હા, હોરર અને ક્રાઈમ વિશેની બુક્સ યુવાનોને હજુ વઘુ પસંદ આવતી નથી. અંગ્રેજીમાં ઓલટાઈમ ફેવરિટ શેક્સપિયર છે. ઈન્ડિયન ઓથર્સમાં રવિન્દ્રનાથ ટાગોર એવરગ્રીન છે.
