(ુપી.ટી.આઇ.) મેલબોર્ન, તા. ૮
ઓસ્ટ્રેલિયામાં ખાણ કંપનીઓ પાસેથી વધુ ટેક્સ વસુલવાની યોજનાના સંદર્ભે શાસક લેબર ગઠબંધન અને કિંગમેકર અપક્ષ સાંસદ વચ્ચે મતભેદો હોવાનું સપાટી પર આવ્યું છે. જેના પગલે જુલિયા ગિલાર્ડની લઘુમતી સરકારની નબળાઈ છતી થઈ છે.
જુલિયા ગિલાર્ડની લેબર પાર્ટી માટે મહત્ત્વપૂર્ણ અપક્ષ સભ્યનો માઇનિંગ ટેક્સ સામે વિરોધ
સરકાર રચવામાં લેબરનો ટેકો જાહેર કર્યાના એક જ દિવસ બાદ અપક્ષ સાંસદ ટોની વિન્ડસોરે આજે માઇનીંગ ટેક્સના મુદ્દે અસહમતી દર્શાવી હતી. સરકાર બનાવવા માટે વિડિસોર અને અન્ય અપક્ષ સાંસદ રોબ ઓ.કે. શોટનો ટેકો મેળવવા કરાયેલા કરારમાં ઓસ્ટ્રેલિયાના પહેલા મહિલા વડાપ્રધાન ગિલાર્ડ અને ટ્રેઝરર વેન સ્પાને ટેક્સમાં સુધારણા માટે આગામી વર્ષે ૩૦ જૂનના રોજ ટેક્સ નિષ્ણાતોનું જાહેર સંમેલન યોજવાનું વચન આપ્યું ંહતું.
જો કે સ્પાને જણાવ્યું હતું કે, સરકાર ધારાધોરણોની રચના કરી રહી છે અને સાથે કાયદાને સંસદીય મંજૂરી માટેની તૈયારી કરી રહી હોવાથી આ સમ્મેલના એજન્ડામાં ટેક્સનો સમાવેશ કરાશે નહીં. વિન્ટસારે સરકાર રચવા માટે જરૃરી એવા ૧ મતની મદદ કરી હતી અને તે આ સંમેલનમાં 'મિનરલ્સ રિસોર્સ રેન્ટ ટેક્સ'ના મુદ્દે ચર્ચા થાય તેવું ઇચ્છ છે.
અપક્ષોના ટેકાથી હવે લેબર ગઠબંધન પાસે ૧૫૦ સભ્યોવાળી સંસદમાં ૭૬ બેઠકો છે. જ્યારે વિરોધપક્ષ લિબરલ ગઠબંધન પાસે ૭૪ સાંસદો છે. જો કે સ્પાને જણાવ્યું હતું કે લેબર ગઠબંધન ટેક્સ પ્રત્યે કટિબદ્ધ છે અને ભૂતપૂર્વ બીએસપી બિલિટોન ચેરમેન ડોન આર્ગુસના વડપણવાળી પેનલ આ મુદ્દે વિસ્તારપૂર્વક વિચારણા કરી રહી છે. હાલ ચૂંટણી પહેલાં નક્કી કરાયેલી વ્યૂહરચના પ્રમાણે 'માઇનિંગ ટેક્સ' અંગેની પ્રક્રિયા ચાલી રહી છે.
દરમિયાન સ્પાને જણાવ્યું હતું ક ટેક્સ સહિતના કોઈ પણ મોટા સુધારા અંગે પક્ષો વચ્ચે સર્વસહમતિ સધાય તે ઘણું મહત્ત્વનું છે અને દેશના ભવિષ્ય માટે પણ તે એટલું જ જરૃરી છે.