(પીટીઆઇ) નવી દિલ્હી, તા.૯
કેન્દ્ર સરકારે વીજ ક્ષેત્ર માટે રૃ.૫૦૦ અબજનું ડેટ ફંડ ઉભુ કરવાની યોજના બનાવી છે. કેન્દ્રીય વીજ સચિવ પી. ઉમા શંકરે જણાવ્યું હતું કે વર્ષ ૨૦૧૨-૨૦૧૭ સુધીમાં ૧ લાખ મગાવૉટની ક્ષમતા ધરાવતા વીજ કેન્દ્રો સ્થાપવા માટે રૃ.૫ હજાર અબજના રોકાણની જરૃરિયાત છે.
૨૦૧૭ સુધીમાં આ ક્ષેત્રે રૃ.પાંચ હજાર અબજનું રોકાણ જરૃરી હોવાથી દેવા ફંડ રચવા વિચારણા
કેન્દ્રીય વીજ સચિવે જણાવ્યું હતું કે ડેટ ફંડ ઉભુ કરવાની યોજના હાલ આયોજનના તબક્કામાં છે. ઇન્ફ્રાસ્ટ્રક્ચર ક્ષેત્રે મોટાપાયે રોકાણના સરકારે છેડેલા અભિયાનના ભાગરૃપ આ ફંડ ઉભુ કરવાનો પ્રસ્તાવ છે. એશિયાના ત્રીજા સૌથી મોટા અર્થતંત્ર એવા ભારત માટે ઇન્ફ્રાસ્ટ્રક્ચર ક્ષેત્રનો વિકાસ સૌથી મોટો પડકાર છે.
અગાઉ ઇન્ફ્રાસ્ટ્રક્ચર ક્ષેત્ર માટે ૧૧ અબજ ડૉલરના અલગ ડેટ ફંડની જાહેરાત કરવામાં આવી છે. શંકરે જણાવ્યું હતું કે વર્ષ ૨૦૧૨-૨૦૧૭ સુધીમાં ૧ લાખ મેગાવૉટ વીજ ઉત્પાદનની ક્ષમતા હાંસલ કરવા માટે રૃ.૫ હજાર અબજના રોકાણની જરૃરીયાત છે.
આયોજન પંચે હાલમાં જ રજૂ કરેલા અહેવાલમાં જણાવ્યું હતું કે વીજ ઉત્પાદનની અછતને કારણે ભારત બે આંકડાનો વિકાસ દર હાંસલ કરવામાં પાછળ પડી શકે એમ છે. આયોજન પંચે આગાહી કરી હતી કે વર્ષ ૨૦૧૨ સુધીના પાંચ વર્ષમાં ભારતની વીજ ઉત્પાદન ક્ષમતામાં ૬૨,૦૦૦ મેગાવૉટનો ઉમેરો થશે, જે ૭૮,૦૦૦ મેગાવૉટના લક્ષ્યાંક કરતા થોડી ઓછી ક્ષમતા છે.
