નવીદિલ્હી, ગુરૃવાર
નાણાં મંત્રાલય દ્વારા દેશની વીમા કંપનીઓ માટે ઇન્ફ્રાસ્ટ્રકચર ક્ષેત્રમાં રોકાણ માટે ક્રેડિટ રેટિંગની મર્યાદામાં ઘટાડો કરવાની રજૂઆત કરાઈ હોવાનું જાણવા મળે છે.
નાણાં મંત્રાલયના સૂત્રોમાંથી સાંપડતી માહિતી મુજબ માળખાગત સુવિધાની સ્થાપના માટે લાંબા ગાળાની બચતોના પ્રવાહમાં વધારો કરવા માટે આ પ્રકારની રજૂઆત કરવામાં આવી છે. જોકે, મંત્રાલયે એવું સ્પષ્ટ સૂચન કર્યું હતું કે ઇન્ફ્રાસ્ટ્રકચર કંપનીઓના 'એએ' રેટિંગ ધરાવતા મેમરીમાં પણ રોકાણના પ્રમાણમાં વધારો કરવો જોઈએ.
આ સૂત્રોએ વધુમાં જણાવ્યું હતું કે ડેટ પેપરમાં વીમા કંપનીઓના રોકાણ પ્રવાહમાં વધારો કરવા માટે સરકાર તેમજ ઇરડા સમક્ષ રજૂઆત કરવામાં આવી છે. પ્રાપ્ત થતા સરકારી અંદાજ મુજબ ઇન્ફ્રાસ્ટ્રકચર ક્ષેત્રમાં ૨૦૧૨ થી શરૃ થતી નવી પંચવર્ષીય યોજના દરમિયાન એક ટ્રિલિયન ડોલરથી પણ વધુ ભંડોળની જરૃર પડશે.
પ્રવર્તમાન નિયમ મુજબ જોઈએ તો જીવન વીમા કંપનીઓએ ટ્રેડિશનલ પોલિસીના તેમના ઓછામાં ઓછા ૧૫ ટકા ફંડને ઇન્ફ્રાસ્ટ્રકચર અને હાઉસિંગ ક્ષેત્રમાં રોકાણ કરવું પડશે.
ઓગસ્ટમાં કોમોડિટી બજારોના ટર્નઓવરમાં ૪૯ ટકાનો વધારો
મુંબઈ, ગુરૃવાર
દેશના આગેવાન કોમોડિટી બજારો - એમસીએસ, એનએમસીઈ સહિત અન્ય બજારો ખાતે રૃટિન કરતા ઓછો કારોબાર થયો હોવા છતાં ચાલુ વર્ષના ઓગસ્ટ માસમાં દેશભરના ૨૩ જેટલા કોમોડિટી એક્સચેન્જના ટર્નઓવરમાં ૪૯.૩૮ ટકાનો વધારો નોંધાયો છે.
સૌથી વધુ ટર્નઓવર સોના-ચાંદીમાં
ફોરવર્ડ માર્કેટ કમિશન (એફએમસી)ના જણાવ્યા મુજબ દેશના ૨૩ કોમોડિટી એક્સચેન્જોમાં ઓગસ્ટ માસાં રૃા. ૯૦૪૬૮૬ કરોડનું ટર્નઓવર નોંધાયું હતું. જે ગત વર્ષે સમાનગાળા દરમિયાન રૃા. ૬૦૫૬૧૦ કરોડની સપાટીએ હતું.
આ સમય દરમિયાન દેશના બે આગવાન કોમોડિટી એક્સચેન્જ એમસીએક્સ તેમજ એનએમસીઈના ટર્નઓવરમાં આ સમય દરમિયાન ઘટાડો નોંધાયો હતો. બીજી તરફ એનસીડેક્સનું ટર્નઓવર ૧૧ટકા જેટલું વધીને રૃા. ૧૦૩૧૮૬ કરોડ થવા પામ્યું હતું. આ સમય દરમિયાન સૌથી વધુ ટર્નઓવર સોના અને ચાંદીમાં નોંધાયું હતું.