ગઈકાલે ચોંકાવનારા સમાચાર હતા કે બ્રિટનના માઈક વેધરલે નામના એક સાંસદની ૩૯ વર્ષીય પત્ની કાર્લા પરણ્યા પછી પણ સેક્સ-વર્કર તરીકે ૭૦ પાઉન્ડના ભાવે ત્રણ મસાજ પાર્લરોમાં 'સેવાઓ' આપતી હતી !
જોકે વેધરલે સાહેબે કાર્લાબેનને છૂટાછેડા આપી દીધા છે. પણ જો ટિપિકલ બ્રિટીશ 'સ્ટીફ-અપર-લિપ' હ્યુમરની શૈલીમાં કહીએ, (ઉપલો હોઠ હલાવ્યા વિના, એટલે કે દાંત બતાડયા વિના) તો આ પ્રકારની ટંગ-ઈન-ચીક રમૂજો કરી શકાય...
* * *
મિસ્ટર વેધરલે ખરેખર ખુલ્લા મનના પતિ કહેવાય. કારણકે એમણે એમની પત્નીને લગ્ન પછી પણ પોતાની 'કારકિર્દી' ચાલુ રાખવા દીધી !
* * *
વળી, ભાગ્યે જ એવું બનતું હોય છે કે પરણ્યા પછી પત્નીઓ માત્ર આવક માટે નહિ પણ 'સ્વ-આનંદ' માટે પોતાની કારકિર્દી ચાલુ રાખતી હોય !
* * *
જોકે છૂટાછેડા પછી જ્યારે ૭૦ પાઉન્ડના 'રેટ'ની ખબર પડી હશે ત્યારે શ્રીમાન વેધરલેએ થોડો હિસાબ ગણી લેવા જેવો હતો. લગ્ન અને હનીમૂનમાં ખર્ચેલા ૭૦૦૦ પાઉન્ડ જરા 'મોંઘા' કહેવાય !
* * *
છાપાના ન્યુઝ તમે ધ્યાનથી વાંચશો તો ખ્યાલ આવશે કે શ્રીમતી કાર્લા વેધરલે માત્ર 'લિપ-સર્વિસ' આપવામાં નહોતાં માનતાં !
* * *
અચ્છા, લગ્ન પછી મહિનાઓ સુધી મિસ્ટર વેધરલેને કેમ ખરબ ના પડી ? કારણ કે એ 'મસાજ' પાર્લરો હતાં, 'મેસેજ' પાર્લરો નહિ !
* * *
બ્રિટનની સેક્સવર્કરો હવે જાણે છે કે કમ સે કમ એક સાંસદ તેમની 'પડખે' હતો !
* * *
અને આજે બ્રાઝિલની સેક્સવર્કરોની મહેચ્છા શું છે ?
- બ્રિટનનો 'રાજદ્વારી' પાસપોર્ટ મેળવવાની !
- મન્નુ શેખચલ્લી